სირია-საფრანგეთის ხსელშეკრულება 1936

NPLG Wiki Dictionaries გვერდიდან
გადასვლა: ნავიგაცია, ძიება

სირია-საფრანგეთის ხელშეკრულება 1936 – (მანდატის გაუქმების თაობაზე: „ხელშეკრულება მეგობრობისა და დახმარების შესახებ), ხელმოწერილ იქნა 9.IX პარიზში. ის ითვალისწინებდა 3-წლიან გარდამავალ პერიოდში სირიაზე საფრანგეთის მანდატის გაუქმებას. ხელშეკრულებამ გამოიწვია თურქეთის მკვეთრი პროტესტი, აგრეთვე ქვეყნის ერთიანობისა და დამოუკიდებლობის ცნობა და მისი შესვლა ერთა ლიგაში. ხელშეკრულების ძალით, საფრანგეთი ინარჩუნებდა უფლებას 5 წლის მანძილზე ჰყოლოდა თავისი ჯარები სირიის პროვინციებში, ჯებელდრუზსა და ლატაკიაში, გამოეყენებინა ორი სამხედრო-საჰაერო ბაზა სირიის ტერიტორიაზე და განეხორციელებინა კონტროლი სირიის ეროვნულ არმიაზე.

27.XII სირიის პარლამენტმა მოახდინა ხელშეკრულების რატიფიკაცია. მაგრამ საფრანგეთის მმართველმა წრეებმა, რომლებმაც მიიჩნიეს, რომ დათმობები სირიისადმი მეტისმეტი იყო, გააჭიანურეს მისი რატიფიკაცია. ხოლო 1939 წლის იანვარში ე. დალადიეს მთავრობამ ოფიციალურად საერთოდ გააუქმა ის.


იხილე აგრეთვე

თურქეთ საფრანგეთის კონფლიქტი 1936-39


წყარო

ქართული დიპლომატიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%A1%E1%83%98%E1%83%A0%E1%83%98%E1%83%90-%E1%83%A1%E1%83%90%E1%83%A4%E1%83%A0%E1%83%90%E1%83%9C%E1%83%92%E1%83%94%E1%83%97%E1%83%98%E1%83%A1_%E1%83%AE%E1%83%A1%E1%83%94%E1%83%9A%E1%83%A8%E1%83%94%E1%83%99%E1%83%A0%E1%83%A3%E1%83%9A%E1%83%94%E1%83%91%E1%83%90_1936&oldid=236096“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები