სოსო წერეთლის ქუჩა

სოსო წერეთლის ქუჩა − ქუჩა თბილისში. ძველი თბილისის რაიონი (ძველი კუკია); დიმიტრი უზნაძის ქუჩიდან დავით აღმაშენებლის გამზირამდე. წარმოიქმნა XIX საუკუნეში. წერეთლის ქუჩა ერთ-ერთია იმ 32 ქუჩიდან, რომელიც გაყვანილია 1846 წ. შექმნილი „თბილისის გარეუბნების მომწყობი კომისიის” მიერ. თბილისის 1876 წ. გეგმაზე დატანილია ისარლოვის, 1923 წ. გეგმაზე – ნ. რისაკოვის, 1934 წ. გეგმაზე – ი. ვრინევიცკის სახელით. 1990 კოლხეთის ქუჩა დაერქვა. 1997 წ. სოსო წერეთლის სახელი ეწოდა.