ტკეჩი
NPLG Wiki Dictionaries გვერდიდან
ხარიტონ ახვლედიანის სახელობის აჭარის მუზეუმი
ტკეჩი − გათლილი ანდა შუაზე გაყოფილი ახალგაზრდა ნედლი ხის გრძელი ანახეთქი. მას ცხელ წყალში ალბობდნენ, სხვა შემთხვევაში ცეცხლზე ახურებდნენ და მისგან გოდრებს, კალათებს და სხვა მისთანებს ქსოვდნენ. სქელი ტკეჩისაგან თხილამურებსაც აკეთებდნენ. ტკეჩის სისქე და სიფართე თავად საქსოვი ნივთის სახეობითა და საჭიროებით განისაზღვრებოდა. ტკეჩის მასალას თხილის, წყავის, წაბლის ხისგან ამზადებდნენ.
