ტრიქინელოზი
NPLG Wiki Dictionaries გვერდიდან
ტრიქინელოზი − (trichinellosis; აღმძვრელის გვარის დასახელება Trichinella + osis დაავადება) – ძუძუმწოვარი ცხოველებისა და ადამიანის ჰელმინთოზი, რომელიც გამოხატული ალერგიული მოვლენებით მიმდინარეობს. აღმძვრელის (Trich. spiralis) ლარვები იბუდებენ განივზოვლიან კუნთებში, ხოლო მათი ზრდასრული ფორმები – იმავე ორგანიზმის წვრილ ნაწლავებში. გავრცელებულია ყველგან. ცხოველების ორგანიზმში ტრიქინელოზი გამოხატული კლინიკური ნიშნების გარეშე მიმდინარეობს. ღორის შემთხვევაში შესაძლებელია სხეულის ტემპერატურის ხანმოკლე მატება, დაძაბუნება, კუნთების ტკივილი, კანის ქავილი, მონაცვლეობით კოჭლობა.
