ტრომბონი
NPLG Wiki Dictionaries გვერდიდან
ტრომბონი – ლითონის სატუჩე ჩასაბერი საკრავი. ტრომბონი გაჩნდა XV ს., როგორც წაგრძელებული საყვირი. პრაქტიკაში გამოიყენება როგორც ძველი კონსტრუქციის ტრომბონი (კულისიანი), ისე ვენტილებიანი, რომელიც XIX საუკუნის I ნახევარში გაჩნდა. ტრომბონი ნოტირებულია ნამდვილ ჟღერადობაში (ტრანსპოზიციის გარეშე) სხვადასხვა გასაღებებში – ბანის, ტენორის ან ალტის (ტესიტურაზე დამოკიდებულებით). ბგერა ბრწყინვალე და ძლიერია. ამჟამად სიმფონიურ ორკესტრში გამოიყენება ტენორის (I, II) და ბანის (III) ტრომბონი.