ტყვია (ლითონი)

თვითნაბადი ტყვია

ტყვია (ლითონი) – მონაცრისფრო-ცისფერი რბილი და მძიმე ლითონი. სიმბოლო – Pb; სიმკვრივე – 11341,5 კგ/მ³; დნობის ტემპერატურა – 327,46°C; დუღილის ტემპერატურა – 1749°C; აორთქლებას იწყებს 400-500°C ტემპერატურაზე.

ტყვიის გრანულები

ტყვია ძირითადად მიიღება გალენიტის შემცველი მადნისაგან ფლოტაციის მეთოდით. გამოიყენება: აკუმულატორების, კაბელების, საკისრების შენადნობების (ბაბიტების), საფანტის, ცეცხლსასროლი იარაღის ტყვიის; ქიმიური პროცესებისათვის ჭურჭლისა და კამერების; ქიმიური აპარატურის ამონაგის, γ- და რენტგენის სხივებისაგან დამცავი ტანსაცმლის, სათვალის, იზოტოპების შესანახი და გადასატანი კონტეინერების დასამზადებლად; ტეტრაეთილტყვიისა და ტყვიის პიგმენტის მისაღებად და სხვა.

წყარო

სამშენებლო ენციკლოპედიური ლექსიკონი