ფერიზელები
NPLG Wiki Dictionaries გვერდიდან
ფერიზელები – სემიტური ტომი, რომელიც ქანაანში ებრაელების შეჭრამდე არსებობდა. ბიბლიის მიხედვით ფერიზელები ქანაანში აბრაამის დროიდან ცხოვრობდნენ. ძველ აღთქმაში ფერიზელები ძალიან ხშირად არიან მოხსენიებული, განსაკუთრებით იესო ნავეს ძის წიგნში, რომელშიც ებრაელების მიერ ქანაანის დაპყრობაა აღწერილი, ასევე ნახსენებია ადგილი სადაც ფერიზელთა ტომი სახლობდა: იუდეა და ეფრაიმი. მსაჯულთა წიგნის მიხედვით ებრაელთა ტომებიდან სიმეონისა და იუდას ტომმა დაიპყრეს ფერიზელები და მათ მიწებს დაეუფლნენ. ამის შემდეგ რაიმე მნიშვნელოვან როლი ისტორიაში ფერიზელებს აღარ ჰქონიათ.
