ღაზა (ქალაქი)
ღაზა – ძველი ქალაქი პალესტინაში. ისტორიაში პირველად მოიხსენიება ეგვიპტურ დოკუმენტებში, რომელთა შორის ყველაზე მნიშვნელოვანია ელ-ამარნის წარწერები (ძვ.წ. 15–14 წ.) ღაზას შესახებ ცნობები არის ბიბლიაშიც, სადაც ეს ქალაქი მოიხსენიება, როგორც ქანაანელთა ერთ-ერთი მნიშნველოვანი დასახლებული პუნქტი.
ფაქტიურად ღაზა ქანაანის ებრაელების მიერ დაპყრობის შემდეგაც ქანაანელებიხ ხელში რჩებოდა, თუმცა მაინც ითვლებოდა იუდას ტომის ქალაქად. ძვ.წ. XII საუკუნეში ღაზა ფილისტიმელებმა დაიპყრეს, რის შემდეგაც ეს ქალაქიც შეუერთდა ფილისტიმელთა ხუთი ქალაქის კავშირს, როგორც მეხუთე წევრი.
ბიბლიის მიხედვით ღაზის ტერიტორიაზე ჩაიდინა უკანსკნელი გმირობები ისრაელიანთა გმირმა მსაჯულმა, სამსონმა, რომელმაც დაგონის ტაძარი თავზე დაამხო ფილისტიმელებს და თვითონაც დაიღუპა.
უძველესი დროიდან ღაზა სავაჭრო ცენტრი იყო საქარავნო გზაზე ეგვიპტეს, ქანაანსა და ფინიკიას შორის. სპარსეთის მმართველობის პერიოდში ღაზას ძლიერი გალავანი შემოავლეს და მძლავრი სიმაგრეები ააგეს.
ძვ.წ. 333 წელს ალექსანდრე მაკედონელმა ღაზას ალყა შემოარტყა. ქალაქმა დიდი წინააღმდეგობა გაუწია დამპყრობელს. ბრძოლებში ალექსანდრეც კი დაიჭრა. 2 თვიანი იერიშების შედეგად ღაზა დაეცა.
