შედუ
NPLG Wiki Dictionaries გვერდიდან
შედუ – (ეგვ. Šdw, „მშველელი“ ან „შემლოცველი“, დაფიქსირებულია ახალი სამეფოდან), ძალიან პოპულარული ხალხური ღვთაება. გამოისახებოდა ანთროპომორფულად, როგორც ახალგაზრდა მონადირე, ყრმობის კულულით (ეგვიპტეში ბავშვების და ძალიან ახალგაზრდების თმის ვარცხნილობა). მშვილდით, ისრით და შუბით შეიარაღებული, იგი ბოროტ ცხოველებს ანადგურებდა. ხანდახან ვხედავთ საბრძოლო ეტლზე ამხედრებულს, რომელსაც გრიფონები მიაჭენებენ. შესაძლოა იყო ახალგაზრდა ხორის (ხარპოკრატოსის) ერთ-ერთი ფორმა, რადგან მას მიმართავდნენ, როგორც „დიდ ღვთაებას, ზეცის ბატონს, ორივე მიწის (ე.ი. ეგვიპტის) ბატონს“. მისი კეთილგანწყობა შელოცვით უნდა ყოფილიყო მოპოვებული, რომელსაც, პატარა ფირფიტებზე დაწერილს, ამულეტის სახით ატარებდნენ.
