შუნი

შუნ-ი (ვაინ. Шун) – ხუთ კაცზე გაშლილი საწესო სუფრა ვაინახებში. ასეთი სუფრები, როგორც წესი, სახატო დღესასწაულებზე იცოდნენ. შუნის ხელმძღვანელი იყო ასაკით უფროსი მამაკაცი, რომელიც ცხვრის მოხარშული თავით ხელში ხატისკენ მზირალი ლოცვას წარმოთქვამდა და ცხვრის თავს უმცროს თანამეინახეს გადასცემდა. ეს უკანასკნელი ვალდებული იყო ყურის ნაწილი მოეკბიჩა და თავი სუფრის სხვა წევრისთვის მიეწოდებინა. ასე გაივლიდა ყველას ხელში ცხვრის თავი და ბოლოს კვლავ უხუცესის წინ დაიდებოდა.

შუნის სახელით იწოდებოდა ის გასამრჯელოც, რომელსაც სუფრის მომსახურე პირი, ე.წ. ყორხოჲ, იღებდა. ერთდღიანი მომსახურება ერთი შუნის ტოლი იყო.

ლიტერატურა

Шиллинг Е. М. Ингуши и чеченцы // Религиозные верования народов СССР. М.,-Л., 1931.

წყარო

კავკასიის ხალხთა მითები და რიტუალები