ჩემბერლენი ნევილ
ნევილ ჩემბერლენი – (ინგლ. Arthur Neville Chamberlain; 18 მარტი 1869 − 9 ноября 1940), დიდი ბრიტანეთის სახელმწიფო მოღვაწე. ჯოზეფ ჩემბერლენის შვილი.
1915-16 იყო ბირმინგემის ლორდ-მერი, ხოლო 1918-დან – პარლამენტის წევრი კონსერვატიული პარტიიდან (1930-31 – პარტიის, თავმჯდომარე). 1922-37 ეკავა სხვადასხვა მინისტრის პოსტები, 1937-40 იყო პრემიერ-მინისტრი და კონსერვატიული პარტიის ლიდერი. ხელი მოაწერა 1938 მიუნხენის შეთანხმებას. ჩემბერლენის მთავრობამ ჩაშალა ინგლის-საფრანგეთ-სსრ კავშირის მოსკოვის 1939 მოლაპარაკება, რომელიც მიზნად ისახავდა გერმანელი აგრესორების ალაგმვას. პარალელურად, ინგლისი საიდუმლო მოლაპარაკებას აწარმოებდა ნაცისტურ გერმანიასთან. ჩემბერლენის მთავრობის დაშოშმინების პოლიტიკის კრახის შედეგად, 1939 წლის სექტემბერში, მეტად რთულ ვითარებაში, დიდი ბრიტანეთი ჩაება მეორე მსოფლიო ომში (1939-45). ჩემბერლენის მთავრობა ცდილობდა გერმანიის აგრესია სსრ კავშირის წინააღმდეგ მიემართა. 1940 წლის მაისში ჩემბერლენი იძულებული იყო გადამდგარიყო პრემიერ-მინისტრის პოსტიდან, მაგრამ 1940 წლის სექტემბრამდე იგი კოალიციური მთავრობის შემადგენლობაში და კონსერვატიული პარტიის ლიდერად დარჩა.
