ჩერკასული ცხვარი

ჩერკასული ცხვარი - ცხვრის ჯიში. ხასიათდება გრძელი მჭლე კუდით, ტანადია, მქისემატყლიანი. გავრცელებულია კუიბიშევის ოლქის ჩრდილო ნაწილში, კოშკინისა და კუტოზოვის რაიონებში. ნერბების ცოცხალი წონა 50-55 კილოგრამია, ყოჩების 70-80 კილოგრამი. საუკეთესო ყოჩები იწონიან 110 კილოგრამს, საუკეთესო ნერბები - 80 კილოგრამს. მატყლი შედგება მქისე ბეწვისა და თივთიკისაგან, როგორც უკვე ვთქვით, მქისეა, სიგრძით (8 თვის ნაზარდი) 20 სანტიმეტრს აღწევს. კანძის წონა ნერბებში 3-3,5 კილოგრამს აღწევს, ხოლო ყოჩებში 4-5 კილოგრამს. ეს ცხვარი ორჯერ იპარსება წელიწადში.

წყარო

მეცხვარეობა