ჩრდილოვანი ეკონომიკა

ჩრდილოვანი ეკონომიკა - (shadow economy) – ფირმებისა და შინამეურნეობების ეკონომიკური საქმიანობის ის არალეგარული სახეობები, რომლებიც შინაარსით კანონიერია, მაგრამ ხელისუფლების სახელმწიფო ორგანოების მიერ აღურიცხავია. ჩრდილოვანი ეკონომიკა ფარული ეკონომიკის ნაწილია. იგი იქმნება:

1. შემოსავლებზე გადასახადებისგან (დღგ, მოგებიდან გადასახადი და ა.შ.) და სოციალურ დაზღვევაზე ანარიცხებისგან თავის არიდების მიზნით;
2. საკანონმდებლო ნორმებისა და სტანდარტების (მაგ., შრომისა და ჯანმრთელობის უსაფრთხოების, მინიმალური ხელფასის, მაქსიმალური სამუშაო საათებისა და ა.შ.) დაცვისგან თავის არიდების მიზნით;
3. რიგი ადმინისტრაციული პროცედურების შეუსრულებლობის გამო. ჩრდილოვანი ეკონომიკა არაკანონიერ ეკონომიკურ საქმიანობასთან (ნარკობიზნესი, ბრაკონიერობა, იარაღით ვაჭრობა და ა.შ.) ერთად შეადგენს ფარულ ეკონომიკას.

წყარო

თანამედროვე ეკონომიკის ენციკლოპედიური ლექსიკონი