ხახის უცხო სხეული
ხახის უცხო სხეული — ხახის უცხო სხეული, როგორც წესი, თევზის ან სხვა საკვები პროდუქტის ძვალს წარმოადგენს. ეს არც თუ ისე იშვიათი პათოლოგია გახლავთ.
ასეთი შემთხვევები შეიძლება ორ ნაწილად დავყოთ:
- — როდესაც უცხო სხეული დათვალიერებით ჩანს და მისი ამოღება არ წარმოადგენს დიდი პრობლემას;
- — როდესაც უცხო სხეული არ ჩანს და მისი იდენტიფიცირება ხდება საჭირო. ამ დროს რთული ღონისძიებების განხორციელებაა საჭირო;
ძიება მეთოდურად უნდა წარიმართოს. ჯერ დათვალიერებით, შემდეგ კი შესაძლოა პაციენტის დაძინება და ენდოსკოპიური კვლევის ჩატარება ხორხისა და საყლაპავის მიდამოში.
უნდა ინახოს სასა, ტონზილების ორივე რკალი, ენის ძირი და ხორხ-სარქველი.
ზოგ შემთხვევაში, ყველა მცდელობის მიუხედავად, როდესაც ვერ ვახერხებთ უცხო სხეულის ლოკალიზაციას და პაციენტი ისევ აღნიშნავს შერჭობით ტკივილს, განსაკუთრებით ყლაპვის მომენტში, იძულებული ვართ დავაკვირდეთ 48 საათი ანტიბიოტიკოთერაპიის ფონზე, შემდეგ, ნარკოზის ქვეშ, განმეორებითი კვლევა ჩავატაროთ.
ხშირად, ბანალური თევზის ფხის გადაცდენა იწვევს ძალიან სერიოზულ გართულებებს, აბსცესს. შემდგომ, შესაძლოა კისრის ცელულიტი და მედიასტენიტი, რომელიც ხშირად ლეტალურად მთავრდება. ამიტომ აუცილებელია დროული და კომპეტენტური ჩარევა უცხო სხეულის ლოკალიზაციისა და ექსტრაქციისათვის.
