ჰაღური
NPLG Wiki Dictionaries გვერდიდან
ჰაღურ-ი (ადიღ. Хьагъур) – ადიღური ფოლკლორის ლეგენდარული მონადირე. იგი ცალთვალა ტყის კაცს – მეზთლინიყოს („მეზილი“), გამოქვაბულში ხვდება და, ცდილობს რა მისგან თავის დაღწევას, დემონს თვალს თხრის, შემდეგ კი ეშმაკობას მიმართავს: იმალება ცხვრის (თხის) მუცელქვეშ, ასე გაძვრება დაბრმავებული მეზთლინიყოს ფეხებს შორის და გამოქვაბულიდან გამოდის.
რიგი მკვლევარი, სავსებით მართებულად, ჰაღურისა და ტყის კაცის ურთიერთობის ანალოგს ოდისევსისა და პოლიფენის შესახებ მითში ხედავს.
ლიტერატურა
- Лопатинский Л. Приключения охотника Хагура // СМОМПК, XII. Тифлис,1891;
- Гадагатль А. М. Память Нации. Идейно-тематическое и художественное своеобразие героического эпоса «Нартхэр» адыгских народов. Майкоп, 2002.