ჰუ-საგი
NPLG Wiki Dictionaries გვერდიდან
ჰუ-საგ-ი || ჰუნ-საგ-ი (ვაინ. ХIу-саг || ХIун-саг) – ტყის კაცი ვაინახურ მითოლოგიაში; არის ძალზე მრისხანე და ვერაგი, მაგრამ ბრიყვი, მახინჯი გარეგნობის, ბალნით მოსილი, მკერდზე ამოსული ცულით, რომლითაც მსხვერპლს კლავს. მითებში მასთან ხშირ ურთიერთობაშია მონადირე, რომელიც დემონს მოტყუებით ამარცხებს. ჰუნ-საგთან დაკავშირებული იყო ერთი მაგიური ქმედება: თუ ქალს ვაჟი არ ჰყავდა, იგი ტყის პირზე დგებოდა და ამბობდა: „თუ ბიჭი გამიჩნდება, ის იქნება ჰუნ-საგი“. ვაჟის დაბადების შემთხვევაში ვალდებულნი იყვნენ ბავშვისთვის ჰუნსაგი, ან შემოკლებით ჰუნგ-ი დაერქმიათ.
ლიტერატურა
- Далгат У. Б. Героический эпос чеченцев и ингушей. М., 1972;
- Дахкильгов И. А. Мифы и легенды вайнахов. Грозный, 1991.