ბარო ჟან ლუი

'''ჟან ლუი ბარო''' – (''ფრანგ''. Jean-Louis Barrault, 1910–1994), ფრანგი მსახიობი და რეჟისორი მოღვაწეობა დაიწყო 1931 წელს რეჟისორ დიულენის მიერ შექმნილ [[თეატრი|თეატრში]] „ატელიე“, პარალელურად ეუფლებოდა [[პანტომიმა|პანტომიმის]] ხელოვნებას მსახიობ დეკრუსთან. განიცადა [[სიურრეალიზმი თეატრალურ ხელოვნებაში|სიურრეალიზმი]]ს გავლენა. 1935 წ. შექმნა თავისი [[დასი]] „ავგუსტინების სხვენი. შემდგომში მოღვაწეობდა [[ანტუანი ანდრე|ანტუანი]]ს, „ატელიეს“, „კომედი ფრანსეზის“, „მარინის“, „ტეატრა დე ფრანსის“ თეატრებში. მთელი სრულყოფილებით ფლობდა [[მიმიკა|მიმიკის]] და სცენური მოძრაობის ხელოვნებას, იყო ერთ-ერთი გამოჩენილი რეჟისორი, ჰქონდა საკუთარი რეჟისორული ხედვა, დიდ ყურადღებას უთმობდა [[სცენოგრაფია]]ს. ავტორია თეორიული შრომისა „ფიქრები თეატრზე“.