ჟოსკენ დეპრე

'''ჟოსკენ დეპრე''' – (Josquin Després, Josquin des Prés, დაახლოებით 1440 პიკარდია – 27. VIII. 1521, კონდე-სიურ-ესკო), ფრანგი და ფლამანდელი კომპოზიტორი. მოღვაწეობდა უმთავრესად [[იტალია]]ში. 1474-79 მილანის სამეფო კარის კაპელის, 1486-94 რომის სიქსტეს კაპელის მგალობელი. 1495-99 ხელმძღვანელობდა კამბრეს ტაძრის, 1489-მოდენის ტაძრის კაპელებს. 1500 მსახურობდა პარიზში, ლუი XII-ის კარზე. 1501-03 ფერარის სამეფო კარის [[კაპელმაისტერი]] იყო, სიცოცხლის უკანასკნელ წლებში კონდეს ტაძრის-მოძღვარი. ჟოსკენ დეპრე [[აღორძინება|აღორძინების]] ხანის პოლიფონიური ხელოვნების ერთ-ერთი უდიდესი წარმომადგენელია. თავის [[მესა|მესებსა]] და [[მოტეტი|მოტეტებში]] [[პოლიფონია|პოლიფონიურ]] ტექნიკას უქვემდებარებდა ახალ გამომსახველობით ამოცანებს. მისმა პროგრესულმა, ჰუმანისტურმა ხელოვნებამ ნიადაგი მოუმზადა ახალ შემოქმედებით მიმართულებას XVI ს. ევროპულ მუსიკაში. მისი თხზულებების სრული კრებული გამოდის ლაიფციგში, ამსტერდამში (1968-მდე გამოვიდა 54 კრებული. გამოცემა გრძელდება).