სახმელეთო სარაკეტო კომპლექსი
(ახალი გვერდი: '''სახმელეთო სარაკეტო კომპლექსი''' – სახმელეთო (საზღვაო) მიზნე...) |
|||
| ხაზი 8: | ხაზი 8: | ||
[[ქართული სამხედრო ენციკლოპედიური ლექსიკონი]] | [[ქართული სამხედრო ენციკლოპედიური ლექსიკონი]] | ||
| + | |||
| + | [[კატეგორია:შეიარაღების კომპლექსის სახეობა]] | ||
[[კატეგორია:სამხედრო ტერმინები]] | [[კატეგორია:სამხედრო ტერმინები]] | ||
| − | |||
12:13, 10 აპრილი 2018-ის ვერსია
სახმელეთო სარაკეტო კომპლექსი – სახმელეთო (საზღვაო) მიზნების გასანადგურებლად განკუთვნილი სახმელეთო ბაზირების სარაკეტო კომპლექსი. მოიცავს რაკეტებს და სახმელეთო მოწყობილობას. განასხვავებენ სტრატეგიულ, ოპერატიულ-ტაქტიკურ და ტაქტიკურ სახმელეთო სარაკეტო კომპლექსებს.
სტრატეგიული სახმელეთო სარაკეტო კომპლექსი შედის სტრატეგიული დანიშნულების სარაკეტო ჯარების შეიარაღებაში. აქვთ საშუალო სიშორის (1000–5500 კმ) მართვადი ბალისტიკური რაკეტები და კონტინენტთაშორისი ბალისტიკური რაკეტები (5500 კმ-ზე მეტი). ისინი აღჭურვილია რამდენიმე მეგატონა სიმძლავრის ბირთვული მუხტებით და აქვთ სტაციონარული (გამშვები დანადგარების მიწისზედა, საშახტო და მიწისქვეშა განლაგებით) ან მოძრავი ბაზირება. ოპერატიულ-ტაქტიკური და ტაქტიკური სახმელეთო სარაკეტო კომპლექსები შედის სახმელეთო ჯარების, სარაკეტო ჯარების და სამხედრო-საზღვაო ძალების სანაპირო სარაკეტო-საარტილერიო ჯარების შეიარაღებაში. აქვთ, როგორც წესი, ბირთვული ან ჩვეულებრივი აღჭურვილობის საბრძოლონაწილებიანი რაკეტები, რომელთა ფრენის სიშორე შეადგენს, შესაბამისად, 150–1000 კმ-ს და 150-მდე კმ-ს. განალაგებენ მუხლუხა ან თვლიან შასიზე.
