რარირა

14:57, 25 ივლისი 2018-ის ვერსია

რარირა (აფხ. Рарира) – ნართულ გადმოცემათა აფხაზური ვერსიის მიხედვით, აერგების – რადის, რაშისა და ხანიას დედა, რიმცას ცოლი. ეპოსის ზოგი ვარიანტით აერგების დედა ყოველგვარი წამლის მცნობი საუკეთესო მკურნალია. სწორედ მან შეულოცა გველისგან დაგესლილ ნართ ქეთუანს და განკურნა.

სხვა გადმოცემით, რარირა აჟვეიფშების – რაჰაირას, რეირამას და რეირაშას დედაა. ზოგიერთი მეცნიერი მის სახელს კითხულობს აფხაზური სიმღერების რეფრენში („უა, რარირა, რაიდა, რაშა!“ „უა, რარირა, რაჰაირა, რეირამა, რეირაშა!“). აფხაზური წარმოდგენით, რარირამ მისცა ადამიანებს პირველი ცხვარი.

ლიტერატურა

• Приключения нарта Сасрыквы и его девяностадевяти братьев. М., 1962; Сух., 1988.
• Ш. Д. Инал-ипа. Об абхазских нартских сказаниях. – «Труды Абхазского института языка, литературы и истории», т. XXIII, Сух., 1957;
• მისივე: Памятники абхазского фольклора. Сух., 1977.
• Л.Х. Акаба. Из мифологии абхазов. Сух., 1976.

წყარო

კავკასიის ხალხთა მითები და რიტუალები