ყველის ბუზი

მიმდინარე ცვლილება 11:02, 3 აპრილი 2023 მდგომარეობით

ყველის ბუზი

ყველის ბუზი – (Piophila casei; ბერძნ. pion ცხიმიანი + philos მოყვარული და ლათ. caseus ყველი) – ბუზების გვარი; მიეკუთვნება Piophilidae-ს ოჯახს, Diptera-ს რაზმს. მცირე ზომის (სხეულის სიგრძე 4-5 მმ), მბრწყინავი შავი ფერის მწერები. მუდმივად ბინადრობენ პროდუქტების საწყობებში, ბიოსაბოლველ ქარხნებსა და თევზის სარეწებში. ისინი კვერცხებს დებენ ახალ, დამარილებულ ან შებოლილ თევზზე, ხიზილალაზე, ყველზე, შაშხსა და ქონზე. კვერცხებიდან ლარვები იჩეკებიან და ვითარდებიან. მესამე სტადიის ლარვები ხტომით (მხტომელები) გადაადგილდებიან. ლარვებს შეუძლიათ მძიმე ფორმით მიმდინარე ცხოველებისა და ადამიანის ნაწლავური მიაზების გამოწვევა.

[რედაქტირება] წყარო

სავეტერინარო პარაზიტოლოგიის ტერმინთა ლექსიკონი