ედუარდ შევარდნაძე

მიმდინარე ცვლილება 11:14, 26 სექტემბერი 2024 მდგომარეობით

ედუარდ შევარდნაძე

შევარდნაძე ედუარდ ამბროსის ძე (დ. 25 იანვარი, 1928, მამათი — გ. 7 ივლისი, 2014, თბილისი) — ქართველი პოლიტიკოსი, საქართველოს პრეზიდენტი, სამხედრო ძალების უმაღლესი მთავარსარდალი (1995-2003).

[რედაქტირება] განათლება

დაამთავრა ა. წულუკიძის სახელობის ქუთაისის პედაგოგიური ინსტიტუტი (1959).

[რედაქტირება] თანამდებობები

• 1957-61 წლებში იყო საქართველოს სსრ-ის კომკავშირის პირველი მდივანი.
• 1958 წლიდან იყო კომპარტიის ცენტრალური კომიტეტის წევრი.
• 1961-64 წლებში კომპარტიის მცხეთის რაიონული კომიტეტის პირველი მდივანი,
• თბილისის პირველი მაისის რაიონის რაიკომის მდივანი (1964).
• საქართველოს სსრ შინაგან საქმეთა მინისტრი (1965-72),
• 1972 წლის ივლისიდან სექტემბრამდე საქართველოს კომუნისტური პარტიის თბილისის საქალაქო კომიტეტის პირველი მდივანი.
• საქართველოს სსრ-ის ცკ კომპარტიის პირველი მდივანი (1972-85),
• საბჭოთა კავშირის საგარეო საქმეთა მინისტრი (1985-90), ამ პერიოდში მტკიცედ დაიმკვიდრა ადგილი მსოფლიოს გამოჩენილ, პოლიტიკურ მოღვაწეთა შორის როგორც „ცივი ომის“ დასრულების თანაავტორმა და მსოფლიოს ახლებურად მოწყობის თანაარქიტექტორმა. აქტიურად მონაწილეობდა გერმანიის გაერთიანებაში.
• 1992 წელს დაბრუნდა საქართველოში, იყო სახელმწიფო საბჭოს თავმჯდომარე, პარლამენტის თავმჯდომარე – სახელმწიფოს მეთაური,

საპარლამენტო არჩევნებით მოხდა შევარდნაძის ხელმძღვანელობის ლეგიტიმაცია.

• საქართველოს რესპუბლიკის პარლამენტის თავმჯდომარე (1992-95),
• საქართველოს თავდაცვის მინისტრი (შეთავსებით 1994).

1995 წელს შექმნა „პარტია საქართველოს მოქალაქეთა კავშირი“, რომელიც წამყვანი პარტია გახდა საქართველოში (1995-2002).

1995 წლის ნოემბერში აირჩიეს საქართველოს პრეზიდენტად ხმათა 74%-ით. 2000 წლის 9 აპრილს ხმათა 82%-ით ხელმეორედ აირჩიეს საქართველოს პრეზიდენტად. „ვარდების რევოლუციის“ შემდეგ გადადგა დაკავებული თანამდებობიდან (2003 წლის 23 ნოემბერი).

[რედაქტირება] ჯილდოები

დაჯილდოებულია უცხო ქვეყნის ორდენებითა და მედლებით, წმინდა გიორგის ორდენის კავალერი. მრავალი საერთაშორისო პრემიის ლაურეატი. რამდენიმე წიგნის ავტორი. ბოსტონის, ჰარვარდის და სხვა უნივერსიტეტების საპატიო დოქტორი.

[რედაქტირება] იხილე აგრეთვე

ედუარდ შევარდნაძე

[რედაქტირება] წყარო

ქართული სამხედრო ენციკლოპედიური ლექსიკონი
საქართველოს პარლამენტის წევრები 1990-2015
ქართული დიპლომატიური ლექსიკონი