ქვემო ნიჩბისის ციხე-დარბაზი
(→აბანო) |
(→წყარო) |
||
| ხაზი 11: | ხაზი 11: | ||
==წყარო== | ==წყარო== | ||
| − | [[საქართველოს | + | [[საქართველოს ისტორიისა და კულტურის ძეგლთა აღწერილობა]] |
[[კატეგორია:საქართველოს არქიტექტურული ძეგლები]] | [[კატეგორია:საქართველოს არქიტექტურული ძეგლები]] | ||
[[კატეგორია:საქართველოს ციხე-კოშკები ]] | [[კატეგორია:საქართველოს ციხე-კოშკები ]] | ||
[[კატეგორია:მცხეთის მუნიციპალიტეტის არქიტექტურული ძეგლები]] | [[კატეგორია:მცხეთის მუნიციპალიტეტის არქიტექტურული ძეგლები]] | ||
მიმდინარე ცვლილება 15:37, 5 თებერვალი 2022 მდგომარეობით
ქვემო ნიჩბისის ციხე-დარბაზი - არქიტექტურული ძეგლი მდებარეობს აღმოსავლეთ საქართველოში, მცხეთის მუნიციპალიტეტში, სოფელ ქვემო ნიჩბისის ჩრდილოეთით, მდინარე ნიჩბურის მაჯვენა ნაპირას, ფერდობზე. თარიღდება XVII საუკუნით. ციხე-დარბაზი ეკუთვნოდა ციციშვილების საგვარეულოს. კომპლექსში შედიოდა კოშკებიანი გალავანი, სასახლე, ეკლესია და აბანო. ამჟანად შემორჩენილია ძლიერ დაზიანებული გალავნისა და აბანოს ნანგრევები. საშენ მასალად გამოყენებულია ნატეხი ქვა.
სარჩევი |
[რედაქტირება] გალავანი
გალავანი ოთხკუთხაა. ყველაზე კარგად შემორჩენილია სამხრეთის კედელი. მისი ქვედა ნაწილი ყრუა, ზედა ნაწილში, საბრძოლო ბილიკის დონეზე, შორიშორს განლაგებულია ცალმაგი სათოფურები და ოთხკუთხა სალოდეები. თაღოვანი ჭიშკარი (გადაკეთებულია) სამხრეთ-დასავლეთითაა. გალავანში ჩართულია კოშკები. აღმოსავლეთ კედელში ორი კოშკია - ცილინდრული და სწორკუთხა. ერთი მათგანი სამხრეთ-აღმოსავლეთ კუთხეშია, მეორე ჩრდილოეთ კუთხეში.
[რედაქტირება] კოშკი
ეზოში სამსართულიანი ოთხკუთხა კოშკი დგას. შესასვლელი მეორე სართულზეა. აქ, პატარა ტამბურში, მესამე სართულზე ასასვლელი კიბე და მეორე სართულის სათავსებში შესასვლელი კარია. სართულებს ისრული გადახურვა აქვთ. ზედა სართულების კედლებში სათოფურებია დატანებული.
[რედაქტირება] აბანო
აბანო გალავნის ჩრდილო-აღმოსავლეთ მონაკვეთშია.პატარა ტამბური კარით უკავშირდება გეგმით კვადრატულ, სფერული კამარით გადახურულ მოსაცდელ-გასახდელს. მის კედლებში ნიშები და ერთი ბუხარია, ხოლო ცენტრში - აუზი. გასასვლელი გადის ტალანში, რომლის ბოლოებში პატარა დამხმარე სათავსებია, ტალანიდან სფერული კამარით გადახურულ საბანაო ოთახში შეიძლება შესვლა. საბანაო ოთახის იატაკის ერთი მესამედი ცოტათი აწეულია და მის ცენტრალურ ნაწილში ღრმა აუზია. წყალი ამ აუზში კედლის ნიშში მოწყობილი პატარა აუზიდან მოდიოდა.
