ლამინატი

15:20, 14 ივლისი 2022-ის ვერსია

ლამინატი (ინგლ. laminate ფენოვანი პლასტიკი),

1. ფართოდ გავრცელებული იატაკის ფენოვანი საფარველი მაღალი სიმკვრივის მერქანბოჭკოვანი ფილების საფუძველზე, რომლის ზედა ფენა წარმოადგენს დამცავ-დეკორატიულ ცვეთამედეგ აფსკს. ლამინატის ფიცარი წარმოადგენს კონსტრუქციას, რომელიც შედგება ოთხი ფენისაგან: ა) ქვედა, მასტაბილიზებელი ფენის დანიშნულებაა დაიცვას ფიცარი დეფორმაციისაგან და გაზარდოს სიხისტე; ბ) მზიდი ფენა, რომელიც ლამინატის ფიცრის საფუძველია, მზადდება მაღალი სიმკვრივის მერქან-ბოჭკოვანი ფილებისაგან, რომელიც პარალელურად ასრულებს თბო- და ბგერასაიზოლაციო ფუნქციას. ფიცრის ნაპირებზე, ერთ მხარეზე ამოღებულია ღარი, ხოლო მეორე მხარეზე – კოტა, რომელთა საშუალებით ხდება ლამინანტების ერთმანეთთან შეერთება. ლამინატის ტენმედეგობა უშუალოდაა დამოკიდებული მზიდი ფენის ხარისხზე; გ) დეკორატიული ფენა, რომელიც ასრულებს გაფორმების ფუნქციას – ესაა ქაღალდის ფენა, რომელზეც დატანილია მერქნის, ქვის, ფილის და სხვა ტექსტურა; დ) ზედა ფენა, რომელიც წარმოადგენს მელამინის ან აკრილის ფისს, უზრუნველყოფს ფიცრის დაცვას ცვეთისა და დარტყმითი დატვირთვებისაგან;

2. კონსტრუქციის გარე დაარმირებისათვის გამოსაყენებელი კომპოზიტური მრავალფენიანი, ერთმიმართულებიანი, სხვადასხვა სისქისა და სიგანის მასალა, დამზადებული საქარხნო პირობებში გაჟღენთვისა და ცხელი დაწნეხვის გზით. მომხმარებელს მიეწოდება ლენტის ან ფირფიტის სახით.

წყარო

სამშენებლო ენციკლოპედიური ლექსიკონი