ტონადილია

'''ტონადილია''' − (ესპ. tonadilla, სიმღერა), XVIII-XIX სს. ესპანური [[მუსიკალური კომედია]]. სიმღერებიდან ([[სოლო]] და [[დუეტი]]), მუსიკალური და საცეკვაო სცენებიდან წარმოშობილი კომიკური [[ოპერა]], რომელიც დიდი პოპულარობით სარგებლობდა. ტონადილია  მჭიდროდ იყო დაკავშირებული მადრიდის სახალხო თეატრებთან და ხშირად სრულდებოდა [[პიესა (დრამატული ნაწარმოები)|თეატრალური პიესის]] [[აქტი (თეატრი)|აქტებს]] შორის ინტერმედიის სახით. ტონადილიას ისტორიული მნიშვნელობა მეტად დიდია. მასში განვითარდა ესპანური მუსიკის ეროვნული სტილისათვის დამახასიათებელი მრავალი რიტმული და  ინტონაციური ელემენტი. ტონადილიაში წარმოდგენილია  აგრეთვე ბოშური, მავრიტანული, ზანგური ფოლკლორი. მასში ჩამოყალიბდა ესპანური [[ცეკვა]] [[ბოლერო]] და აგრეთვე ესპანეთში სამხრეთ ამერიკიდან შემოსული [[ჰაბანერა]] და [[ტანგო]].