უდარდელი ბიჭები
NPLG Wiki Dictionaries გვერდიდან
(სხვაობა ვერსიებს შორის)
(ახალი გვერდი: '''„უდარდელი ბიჭები“''' – ნახევრად სამოყვარულო ფრანგული კომედ...) |
მიმდინარე ცვლილება 11:36, 8 მაისი 2023 მდგომარეობით
„უდარდელი ბიჭები“ – ნახევრად სამოყვარულო ფრანგული კომედიური თეატრალური ორგანიზაცია. შეიქმნა პარიზში მე-14 საუკუნის ბოლოს. აგრძელებდა შუასაუკუნეების კორპორაცია „სულელების“ ტრადიციებს („უდარდელი ბიჭები“ თავის წრეში ირჩევდნენ „სულელების უფლისწულს“ და „სულელთა დედას“). მათი მასხარული ჩაცმულობა იყო ყვითელ-მწვანე ფერის, ეჟვნებიანი წამოსასხამით და წაწვეტებული ჩაჩით, რომელზეც დამაგრებული იყო ვირის ყურები. „უდარდელმა ბიჭებმა“ შექმნეს თავისებური სატირული ლიტერატურული ჟანრი – სოტი.
