ჯეჯილი (ჟურნალი)

15:47, 5 ოქტომბერი 2023-ის ვერსია

„ჯეჯილი“ – ყოვლეთვიური საყმაწვილო ნახატებიანი ჟურნალი (1890-1917, 1921-1923) რედაქტორ-გამომცემელი ანასტასია თუმანიშვილი. მასში თანამშრომლობდნენ: შ. მღვიმელი, ვაჟა–ფშაველა, აკაკი წერეთელი, რაფ. ერისთავი, თ. რაზიკაშვილი, იაკ. გოგებაშვილი, ალ. მირიანაშვილი, და სხვ. „ჯეჯილი“ თითქმის ყველა ნომერში აქვეყნებდა ხალხური შემოქმედების ამა თუ იმ ჟანრის ნიმუშს. უმთავრესად იბეჭდებოდა: ზღაპრები, ლექსები, გამოცანები, ანდაზები, ჩქარა-გამოსათქმელები, ზმები. ფოლკლორის საკითხებზე ჯეჯილი აქვეყნებდა სპეციალურ წერილებსაც (გ. ლეონიძის „მუსიკალური საკრავები საქართველოში“, 1914). რედაქცია არ ივიწყებდა სხვა ხალხთა ფოლკლორსაც. იქვე გამოქვეყნდა ვაგნერის, ანდერსენისა და გრიმების ზღაპრების თარგმანებიც.

წყარო

მითოლოგიური ენციკლოპედია ყმაწვილთათვის