დელირიუმი

12:57, 28 სექტემბერი 2018-ის ვერსია

დელირიუმი - (F05), (delirium), ეტიოლოგიურად არასპეციფიკური, ორგანული ცერებრალური სინდრომი, რომელიც ხასიათდება ცნობიერების, ყურადღების, აღქმის, აზროვნების, მეხსიერების, ფსიქომოტორული მოქმედების, ემოციის და ძილ-ღვიძილის ციკლის დარღვევათა თანაარსებობით.

დელირიუმი გარდამავალი მდგომარეობაა, რომელიც მერყეობს სიმძიმის ხარისხის მიხედვით, შემთხვევათა უმრავლესობაში გამოჯანმრთელება ხდება 4 კვირაში ან უფრო ადრე, მაგრამ იშვიაობას არ წარმოადგენს დელირიუმი, ხანგრძლივობით 6 თვემდე.

ალკოჰოლის აღკვეთის სინდრომით გამოწვეული დელირიუმი ცნობილია თეთრი ცხელების (delirium tremens) სახელწოდებით

სინონიმი

• მწვავე ორგანული მდგომარეობა აბნევით

იხილე აგრეთვე

• აღკვეთის მდგომარეობა;
• აღკვეთის მდგომარეობა დელირიუმით

წყარო

ჯანდაცვის მსოფლიო ორგანიზაციის ფსიქიატრიის ლექსიკონები