იმიტაცია (მუსიკა)

იმიტაცია - (ლათ. Imitatio მიბაძვა), მრავალხმიან მუსიკალურ ნაწარმოებში ერთი ხმის მელოდიის ზუსტი ან მიახლოებითი განმეორება სხვა ხმაში. იმიტაცია აღმოცენდა ხალხურ მრავალხმიანობაში. XIII ს.-იდან თანდათან მკვიდრდება პროფესიულ მუსიკაში, როგორც თემატური მასალის გადმოცემის, განვითარებისა და დამუშავების ხერხი. მელოდიის იმიტირება შეიძლება რიგრიგობით რამდენიმე ხმით. იმიტაციის ფორმებია: კანონი, ფუგა, ფუგეტა, ინვენცია.

წყარო

მუსიკის ენციკლოპედიური ლექსიკონი / [შემდგ.: ანზორ თამარაშვილი; მთ. რედ.: გულბათ ტორაძე]. [ახალციხე: თბილ. უნ-ტის მესხეთის ფილიალის გამ-ბა], 2005 (ა.ო. "პროგრესი")