ჯაფარიძე ქეთევან

ქეთევან ჯაფარიძე – (11 (24) თებერვალი 1901, სოფ. ქვიშხეთი ახლანდ. ხაშურის რ-ნი – 20 სექტემბერი 1968, თბილისი], საქართველოს სახალხო არტისტი (1956), ესტრადის მომღერალი. 1919-21 სწავლობდა თბილისის კონსერვატორიაში. მომღერლის დებიუტი შედგა 1935 თბილისში. 1937-იდან ლენინგრადის სახელმწიფო ესტრადის მსახიობი იყო. 1942-50 მოსკოვის საკონცერტო გაერთიანების, 1950-57 საქართველოს სახელმწიფო ფილარმონიის სოლისტი. ერთ-ერთი პოპულარული საესტრადო მომღერალი იყო. ასრულებდა ქართულ, რუსულ და ბოშურ რომანსებს. ქართველ კომპოზიტორთა ლირიკულ სიმღერებს. ესტრადის მსახიობთა I საკავშირო კონკურსის ლაურეატია (I პრემია, 1939, ლენინგრადი).

წყარო

მუსიკის ენციკლოპედიური ლექსიკონი