უხრავი
NPLG Wiki Dictionaries გვერდიდან
უძრავი Ostrya carpinifolia Scop
მესხ. – უხრავა
უხრავი არყისებრთა ოჯახიდანაა და რცხილას და ჯაგრცხილას მონათესავეა, მაგრამ მათგან განსხვავებით, საქართველოში იშვიათად გვხვდება. ძირითადად ხარობს ცალკეული ხის ან პატარა კორომების სახით, დასავლეთ საქართველოში, ბორჯომის ხეობაში, ტყის ქვედა და შუა სარტყელში. ზოგჯერ ზედა სარტყელშიც გვხდება. ცოცხლობს ას წლამდე. საშუალო სიმაღლის ხეა. სიმაღლეში 24 მ-ს, სიგანეში კი 40 სმ-ს აღწევს. ხშირად ბუჩქის სახითაც გვხვდება. ფოთოლი რცხილის ფოთლის მგავსია, რის გამოც რცხილაფოთოლა უხრავსაც უწოდებენ. ფოთოლი მოკლეყუნწიანია, წაწვეტილი, კიდეები ორმაგ-ხერხისებრ აქვს დაკბილული, ოდნავ ვიწროა რცხილისაზე.
