დითირამბი

დითირამბი - (ბერძნ. Διθύραμβος) ძველ საბერძნეთში ვენახისა და ღვინის კულტურის დამნერგავი ღვთაების დიონისეს სადიდებელი სიმღერა.

დითირამბი დიონისეს დღესასწაულზე სრულდებოდა. მას თავდაპირველად იმპროვიზაციული ხასიათი ჰქონდა, მოგვიანებით დითირამბს საგანგებოდ უკვეთავდნენ ხოლმე რომელიმე პოეტს. გადმოცემის მიხედვით პირველი ბერძენი მოღვაწე, რომელმაც დითირამბს არაიმპროვიზაციული ხასიათი მისცა იყო არიონი. დითირამბის შესრულებისას ქოროს გამოეყოფოდა ერთი სიმღერის წამომწყები, რომელსაც შემდეგ მთელი გუნდი აჰყვებოდა ხოლმე, დითირამბი გამოირჩეოდა მეტისმეტი ემოციურობით და, როგორც ფიქრობენ, დიალოგის ჩანასახოვან საწყისებს შეიცავდა (სიმღერის წამომწყებსა და გუნდს შორის).

მოგვიანებით დითირამბი ეწოდა სახოტბო ლირიკული ლექსს.

წყარო

• ყაუხჩიშვილი, სიმონ, ნტიკური ლიტერატურის ისტორია.
• ხელოვნების განმარტებითი ლექსიკონი