შპილმანი
NPLG Wiki Dictionaries გვერდიდან
01:03, 4 თებერვალი 2022-ის ვერსია, შეტანილი Tkenchoshvili (განხილვა | წვლილი)-ის მიერ
შპილმანი – (გერმ. Spielmann), შუა საუკუნეების გერმანიაში მოხეტიალე მუსიკოსი მსახიობი. დიდი პოპულარობით სარგებლობდა გლეხობაში და მდაბიო მოქალაქეთა შორის. შპილმანები გამოდიოდნენ ბაზრობებზე, სახალხო დღესასწაულებზე, მონაწილეობდნენ აგრეთვე სამეფო კარზე გამართულ ზეიმებში. საფრანგეთში შპილმანის დარი იყო ქონგლიორი, სკანდინავიაში – სპელმანი, რუსეთში – კომოროხი, საქართველოში – ბერიკა. შპილმანი პოეტიც იყო, მსახიობიც, მუსიკოსიც და მოცეკვავეც. ისინი ასრულებდნენ გმირული ხალხური ეპოსის ნაწარმოებებს, თხზავდნენ ნოველებსა და შვანკებს (სატირიკულ ზღაპრებს) და თვითონვე ასრულებდნენ მათ.
