სვინაქსარი

1. სვინაქსარი - (ბერძ. - კრებული, აგრეთვე იწოდება პროლოგად – შესავალი, მოსამზადებელი სიტყვა, წინასწარი თხრობა) თავდაპირველად ეწოდებოდა სახარება-სამოციქულოზე დართულ სარჩევს ანუ კალენდარს, რომელიც შეიცავდა წმინდანთა სახელებსა და საეკლესიო დღესასწაულებს, განაწილებულს თვის დღეებში მათი ხსენების მიხედვით. იქვე მითითებული იყო, საღვთო წერილის რომელი ადგილი უნდა წაკითხულიყო ამ დღეს. შემდგომში სვინაქსარი ტიპიკონის ერთ-ერთ მნიშვნელოვან ნაწილად იქცა, რომელშიც მოცემულია წმინდანთა, მოწამეთა და დღესასწაულთა თორმეტი თვის ყველა დღეზე გაწყობილი კალენდარი, გავრცობილი მათი ბიოგრაფიული და ისტორიული ცნობებით და ლიტურგიკული მითითებებით ტროპარებზე, კონდაკებზე, ლიტანიაზე და სხვა.

2. საეკლესიო მწერლების თხზულებათა მოკლე გადმოცემა ან საეკლესიო დღესასწაულების განმარტება.

წყარო

• საეკლესიო ლექსიკონი. წიგნი გამოსაცემად მოამზადეს ერეკლე კვანჭიანმა და მარიამ გურჩიანმა. რედაქტორი ზურაბ ეკალაძე.
• საბიბლიოთეკო ტერმინების ლექსიკონი/გიორგი გიორგიძე, გურამ კარტოზია;