ოზოკერიტი
NPLG Wiki Dictionaries გვერდიდან
13:08, 1 სექტემბერი 2022-ის ვერსია, შეტანილი Tkenchoshvili (განხილვა | წვლილი)-ის მიერ
ოზოკერიტი − (ბერძ. ozō სუნი მაქვს და kēros სანთელი, ცვილი), მინერალი ბიტუმის ჯგუფი-დან. ქიმიური შემადგენლობით – მკვრივი ნაჯერი ნახშირწყალბადების ნარევი. ფერი ყვითელი, მურა, მომწვანო; სიმკვრივე – 850-950 კგ/მ3; დნობის ტემპერატურა 58-100°C. კარგად იხსნება ეთერებში, ნავთობში, ბენზოლში, სკიპიდარში, ქლოროფორმში და სხვ. გენეტიკურად დაკავშირებულია პარაფინური ნავთობის საბადოებთან, გვხვდება ძარღვებსა და ფენებში. გახურებისას რბილდება და ხდება დრეკადი. გასუფთავებულ ოზოკერიტს უწოდებენ ცერეზინს. გამოიყენება ლაქსაღებავების წარმოებაში, იზოლატორებად, საგოზავების, საცხების, ჩვეულებრივი სანთლების დასამზადებლად, მედიცინაში, სამშენებლო მრეწველობაში და სხვ.
