ექინოკოკოზი

ექინოკოკოზი (echinococcosis; აღმძვრელის გვარის დასახელება echinococcus + ბერძნ. osis დაავადება) – ცხოველებისა და ადამიანის დაავადება, რომლის გამომწვევი – Echinococcus granulosus (ლარვული ფორმა) ლოკალიზებს სხვადასხვა ორგანოებსა და ქსოვილებში. ექინოკოკის ამავე დასახელების ზრდასრული (ლენტისებრი) ფორმები პარაზიტობენ ძაღლის, სხვა ხორცისმჭამელების წვრილ ნაწლავებში. გავრცელებულია ყველგან.

ლარვული ექინოკოკოზის დროს კლინიკური ნიშნები დამოკიდებუ­ლია ლარვოცისტების ლოკალიზების ადგილზე. ექინოკოკოზი სუბკლინიკურად მიმდინარეობს. ავადმყოფი ცხოველი გამხდარია, პროდუქტიულობა – შემცირებული. ღვიძლის დაზიანებისას ირღვევა საჭმლის მონელების ფუნქცია. ფილტვის დაზიანებისას ვითარდება ხველა, სუნთქვა გართულებულია. ზოგჯერ ცხოველი კახექსიისაგან იღუპება.

წყარო

სავეტერინარო პარაზიტოლოგიის ტერმინთა ლექსიკონი