ჯადოსანი

ჯადოსანი

1. მითიური არსება, შეუზღუდავი ძალა – ზოგჯერ კეთილი, ზოგჯერ ბოროტი; მოქმედებს უპირატესად ზღაპრებში და ამის გამო ზეპირსიტყვიერი მოთხრობების გარკვეულ წყებას ჯადოსნურ ზღაპრებს უწოდებენ. ჯადოსნურ პერსონაჟებად გვევლინებიან ადამიანები, ცხოველები, ფრინველები, აგრეთვე ირეალური არსებანი: დევი, ეშმაკი ფასკუნჯი, ვიგრი.
2. ჯადოსანიადამიანი, რომელსაც შეუძლია ჯადოს გაკეთება, სხვათა ჯადოთი შეკვრა, შებოჭვა.

გ. ჭელიძე

ლიტერატურა

მ. ჩიქოვანი, ქართული ზღაპრები, I, შესავალი წერილი, 1938; მისივე, ზღაპარი, ქართული ხალხური სიტყვიერების ისტორია, 1956; ელ. ვირსალაძე, ზღაპარი, ქართული ხალხური პოეტური შემოქმედება, I, 1960.

წყარო

ქართული ფოლკლორის ლექსიკონი: ნაწილი II