ციმბალი

ციმბალი – (პოლ. cymbaly ბერძ. kymbalon), სიმებიან-დასარტყმელი მუსიკალური საკრავი. შედგება ტრაპეციის ფორმის ხის ბრტყელი კორპუსისაგან, რომელზედაც დეკით სიმებია დაჭიმული. ხმას გამოსცემს 2 ხის ჯოხის ან საცემელას ჩამოკვრით ლითონის სიმებზე. მისი დიაპაზონია დიდი ოქტავის მი-დან მესამე ოქტავის მი-მდე.

ციმბალი უძველესი საკრავია (გამოსახულება გვხვდება უძველეს ასურულ ძეგლებზე). იგი დასავლეთ ევროპაში ცნობილია XVIII ს-იდან. გავრცელებულია უნგრეთში, სლოვაკიაში. ც ციმბალის მონათესავე საკრავია მოლდავური ციმბალი, სომხური სანთურ, ქართ. სანთური, უზბეკური ჩანგი. XIX ს. დასასრულს შეიქმნა ქრომატული ც-ის ოჯახი (პრიმა, ალტი, ბანი, კონტრაბასი), რუსეთში XVII ს-ში ციმბალს კლავესინი ეწოდებოდა.

წყარო

• მუსიკის ენციკლოპედიური ლექსიკონი