ღორჯო როტანი
ღორჯო როტანი – Neogobius ratan (Nordman)
ტიპი: ქორდიანები
კლასი: სხივფარფლიანები
რიგი: ღორჯოსნაირნი
ოჯახი: ღორჯოსებრნი
გვარი: ღორგოები
თევზი ღორჯოების ოჯახისა. ზოგჯერ თვალის ქვედა გენოფორების რიგები - 7, ზოგჯერ კი 6-ია. ზურგის მეორე ფარფლი, ყველაზე უფრო მაღალი, შუა ადგილზეა. ის ბოლოში უფრო მაღალია, ვიდრე დასაწყისში. ანალური ფარფლი ბოლოსკენ მაღლდება. კუდის ღერო მოკლეა. სხეულის უმცირესი სიმაღლე კუდის ღეროს სიგრძეზე მხოლოდ ოდნავ მეტია ან ნაკლებია და სხეულის სიგრძეზე (უკანასკნელ მალამდე) 8%-ით მეტია. კუდის ღეროს სისქე მისი სიგრძის 66%-ით ნაკლებია, თხემი, კეფა, ლაყუჩთა სახურავის ზედა განყოფილება, ყელი, მუცელი და მკერდის ფარფლის ფუძე ციკლოიდური ქერცლითაა დაფარული. თავი გვერდებიდან შებრტყელებულია და მისი სისქე მისი სიმაღლის თანაბარი ან ოდნავ მეტია. ზედა ტუჩი პირის კუთხეებში არ ფართოვდება. მუცლის ფარფლის სიგრძე სხეულის სიგრძის 18-23ზ%-ს, შეადგენს. ისინი ანალურ ხვრელამდე ან აღწევენ, ან არა. მუცლის მისაწოვარის საყელოს ლაპოტები წამახვილებულია. შუბლი ზოგ შემთხვევაში თვალის დიამეტრთან შედარებით 3-ჯერ ვიწროა და მურა შეფერილობისაა, პატარა, მომრგვალო, ღია ყვითელი ლაქებით. ზურგის პირველი ფარფლის კიდეზე, ჩვეულებრივ, მკვეთრი – ყვითელი ან ნარინჯისფერი ზოლები და სამი გარდიგარდმო მთლიანი მუქი ლაქა აქვს. ასეთივე, მაგრამ უფრო სუსტად გამოხატული ზოლებია ზურგის მეორე ფარფლზეც, მკერდისა და კუდის ფარფლებზე. მამლებს ანალური და მუცლის ფარფლები ღია არშიით აქვთ შემოვლებული. სიგრძით 200 მმ-ს აღწევს.
გავრცელებულია აზოვისა და შავ ზღვებში, ოდესაში, ნიკოლაევში, ფეოდოსიიდან ანაპამდე, ქერჩში, ბათუმის სანაპიროებში. უმთავრესად ქვიან ადგილებში გვხვდება. არის აგრეთვე ბუგის ქვედა აუზში, ქვირითს მაისსა და ივნისის პირველ ნახევრამდე ყრის.
