მსოფლიოს ატლასი

მაკმილანის მსოფლიოს ატლასი

მსოფლიოს ატლასი – (world atlas, global atlas), გეოგრაფიული ატლასი, რომელშიც დედამიწა აისახება მთლიანად, კონტინენტების და სახელმწიფოების მიხედვით. შინაარსით არის: ზოგადგეოგრაფიული და თემატური, კომპლექსური და დარგობრივი. დანიშნულების მიხედვით: საცნობარო, სამეცნიერო-საცნობარო, სასწავლო. ახლავს გეოგრაფიული სახელწოდებების საძიებელი.

მსოფლიოს ატლასის ერთ-ერთი საუკეთესო გამოცემაა ავსტრალიის „მილენიუმ ჰაუსის“ მიერ 2008 წელს გამოცემული „დედამიწა“ (ფორმატი 610 X 469 მმ), რომლის 580 გვერდზე განთავსებულ 355 რუკაზე ასახულია 194 ქვეყანა ტექსტებით და ფოტოსურათებით. ატლასის შედგენაზე 22 წლის განმავლობაში მუშაობდა სხვადასხვა ქვეყნის 100 კარტოგრაფი, ოკეანოლოგი და გეოგრაფი.

წყარო

გეოგრაფიული კარტოგრაფიის ტერმინოლოგიური ცნობარი