გელსუნდა
NPLG Wiki Dictionaries გვერდიდან
10:06, 22 აპრილი 2024-ის ვერსია, შეტანილი Tkenchoshvili (განხილვა | წვლილი)-ის მიერ
გელსუნდა – ნასოფლარი ჯავახეთში, სოფელ ხერთვისთან ახლოს. ადგილობრივ შეიძლება ხშირად გაიგონოთ ტოპონიმ გელსუნდას გადააზრიანებული ვარიანტი – გულსუნდა – ე.ი. გულს სურს, გულისთვის სასურველი (ადგილი). მაგრამ ადგილობრივი ხალხური ლექსის მიხედვით გულსუნდა სულაც არ ყოფილა სანატრელი, სიკეთით სავსე სოფელი. ხალხური მთქმელი აშკარად წუხს აქაური მიწის მოუსავლიანობისა და სიმწირის გამო:
- „გელსუნდისა მოსავალი ვარიაში ჩავყარეო,
- სათესლე ზედ დავაყარე, ნახეგრად ვერ მოვყარეო“
გულსუნდა, ჩვენი ფიქრით, ქართული „ტბა-წუნდის" (წუნდის ტბა) თურქიზებული ფორმა უნდა იყოს: გელ (гел) „ტბა“, სუნდა – „წუნდა“.