ხატის წინ

ავადმყოფი	აღმართ-აღმართ	ბაში-აჩუკი	გამზრდელი	განთიადი

თორნიკე ერისთავი	კუდაბზიკეთი	მოგზაურობა კახეთში	პოეტი	სულიკო

ქებათა-ქება	ღამურა	ჩემი თავგადასავალი	ჭაღარა	ხატის წინ

დამხმარე მასალა:

მურად მთვარელიძე: რაც გულმა გიჩურჩულოს…

მიყვარს, როდესაც ხატის წინ
ანთია წმინდა სანთელი
და საიდუმლო პარპალით
ბნელს ფანტავს მისი ნათელი.
პარპალი - აქ: ალის ნელი რხევა, თრთოლა.

მყუდროდ, უხმოდ და უძრავად
დნება, ვით მსხვერპლი დიადი,
რომ მადლით გაასპეტაკოს,
თვალუწვდომელი წყვდიადი.

მივჩერებივარ ამ დიდ ძალს
მწარ-ტკბილად ჩაფიქრებული;
მეცა უსიტყვოდ, უძრავად,
ცის სვეტად გაქვავებული.

რაღაც უცნაურ ერთობას
ვხედავ სანთელს და ჩემ შუა.
მხოლოდ ვგრძნობ... თვარა ვერ სწვდება
ჩემი გონება და ჭკუა.

სანთელი ჩემი ხორცია,
სიცოცხლე - მოკლე პატრუქი,
ნათელი - ჭკუა-გონება,
იმათგან გამონაშუქი.
პატრუქი - დაგრეხილი ბამბის ძაფი, ჩვარი ან საგანგებოდ დამზადებული ქსოვილის ნაჭერი ლამპაში, სანთელში, ნავთქურაში და ა.შ.; გამოიყენება წვისა და განათებისათვის.

ჩემი ხატია სამშობლო,
სახატე - მთელი ქვეყანა,
და რომ ვიწვოდე, ვდნებოდე,
არ შემიძლია მეც განა?!

კი... მაგრამ მნათე არსად ჩანს,
ჩემთან მომტანი ცეცხლისა,
ის მოციქული მომავლის,
მსგავსი ჭიკჭიკა მერცხლისა! მნათე - ეკლესიის მსახური, რომლის მოვალეობაა სანთლების ანთება, ზარების რეკვა და მისთ.
მოციქული - ვინმესთან რამე დავალებით გაგზავნილი პირი, შუამავალი.

	მიყვარს, როდესაც ხატის წინ ანთია წმინდა სანთელი და საიდუმლო პარპალით ბნელს ფანტავს მისი ნათელი.			პარპალი - აქ: ალის ნელი რხევა, თრთოლა.

	მყუდროდ, უხმოდ და უძრავად დნება, ვით მსხვერპლი დიადი, რომ მადლით გაასპეტაკოს, თვალუწვდომელი წყვდიადი. მივჩერებივარ ამ დიდ ძალს მწარ-ტკბილად ჩაფიქრებული; მეცა უსიტყვოდ, უძრავად, ცის სვეტად გაქვავებული.

	რაღაც უცნაურ ერთობას ვხედავ სანთელს და ჩემ შუა. მხოლოდ ვგრძნობ... თვარა ვერ სწვდება ჩემი გონება და ჭკუა.

	სანთელი ჩემი ხორცია, სიცოცხლე - მოკლე პატრუქი, ნათელი - ჭკუა-გონება, იმათგან გამონაშუქი.			პატრუქი - დაგრეხილი ბამბის ძაფი, ჩვარი ან საგანგებოდ დამზადებული ქსოვილის ნაჭერი ლამპაში, სანთელში, ნავთქურაში და ა.შ.; გამოიყენება წვისა და განათებისათვის.

	ჩემი ხატია სამშობლო, სახატე - მთელი ქვეყანა, და რომ ვიწვოდე, ვდნებოდე, არ შემიძლია მეც განა?!

	კი... მაგრამ მნათე არსად ჩანს, ჩემთან მომტანი ცეცხლისა, ის მოციქული მომავლის, მსგავსი ჭიკჭიკა მერცხლისა!			მნათე - ეკლესიის მსახური, რომლის მოვალეობაა სანთლების ანთება, ზარების რეკვა და მისთ. მოციქული - ვინმესთან რამე დავალებით გაგზავნილი პირი, შუამავალი.