აერონავიგაცია
აერონავიგაცია - (საჰაერო ნავიგაცია), გამოყენებითი მეცნიერება, რომელიც სწავლობს ერთი პუნქტიდან მეორეში მოცემული ტრაექტორიით დადგენილ დროში საფრენი აპარატების ჰაერში საიმედო და უსაფრთხო ტარებას: ამუშავებს და იყენებს ნავიგაციის მეთოდებსა და საშუალებებს, რომელთა მეშვეობითაც იანგარიშება ოპტიმალური ტრაექტორია და უზრუნველყოფილი ხდება მასზე საფრენი აპარატების მართვა; აგრეთვე განისაზღვრება მოძრაობის სიჩქარე და მიმართულება საფრენი აპარატის ადგილმდებარეობა დროის ნებისმიერი მომენტისათვის.
აერონავიგაციის შემადგენელი ნაწილია (კარია) თვითმფრინავთშორისი ნავიგაცია, რომელიც სწავლობს თვითმფრინავის (თვითმფრინავების ჯგუფის) მანევრების გათვლის და შესრულების მეთოდებს. მისი მიზანია თვითმფრინავების დაწყობის, ადგილის დაჭერის, გადაწყობის, გაშლის, საბრძოლო წყობაში გადასვლის, გაცილების, შეხვედრის, გაყოლის და ჰაერში საწვავით გამართვის განხორციელება.
