აცა

აცა (ოს. Аца)

1. ნართული ეპოსის პერსონაჟი, პოპულარული მუსიკოსის, აცამაზის მამა, რომელსაც ნადირისა და მონადირეების მფარველმა ღვთაებამ, აფსათმა, ჯადოსნური ოქროს სალამური აჩუქა. ეპოსის ზოგიერთი ვარიანტით, მას გოლიათი კლავს, რისთვისაც აცამაზი შურს იძიებს.

2. აფხაზური სასიმინდე (მარცვლის შესანახი), ნალია. ფეხებზე ე.ი. ძელებზე/ბოძებზე შემდგარი, 2,5 მ. სიმაღლის, მრგვალი, თხილის ან შქერი ტოტებისგან წნული ნაგებობა კონუსური ფორმის სახურავით, დახურული გვიმრით, თივით, ან ყავრით. აცაში სიმინდი ტაროებით ინახებოდა.

ლიტერატურა

Нартовские сказания: Эпос осетинского народа. Книга 2. Владикавказ, 2004. აფხაზურ-ქართულ ეთნოგრაფიულ ტერმინთა განმარტებითი ლექსიკონი

წყარო

კავკასიის ხალხთა მითები და რიტუალები აფხაზურ-ქართულ ეთნოგრაფიულ ტერმინთა განმარტებითი ლექსიკონი