ევროპის ოლიმპიური კომიტეტები
ევროპის ოლიმპიური კომიტეტები (EOC) - ევროპის ეროვნული ოლიმპიური კომიტეტების არაკომერციული ქოლგაორგანიზაციაა.
მისი უმთავრესი ამოცანაა საერთშორისო ოლიმპიურ კომიტეტში, საერთაშორისო და ევროპულ სპორტულ ასოციაციებში ეროვნული ოლიმპიური კომიტეტების ინტერესების წარდგენა და დაცვა; საერთო ინტერესების გათვალისწინებით, ევროპის ეროვნულ ოლიმპიურ კომიტეტებს შორის თანამშრომლობის გაღრმავება, საერთო ინტერესების განსაზღვრა და ღირებულებების დაცვა.
EOC-ის მიზანია IOC-ის ოლიმპიური სოლიდარობის პროგრამის განვითარება ევროპაში, საერთაშორისო ოლიმპიური ქარტიით განსაზღვრული ოლიმპიური იდეალების ევროპის კონტინენტზე განვრცობა IOC-თან, ეროვნული ოლიმპიური კომიტეტების ასოციაციასთან ((ANOC)) და სხვა კონტინენტურ ოლიმპიურ ასოციაციებთან მჭიდრო თანამშრომლობით.
ევროპის ოლიმპიური კომიტეტები დაარსდა 1968 წელს და აერთიანებს ევროპის ქვეყნების 50 ეროვნულ ოლიმპიურ კომიტეტს. EOჩ-ს ხელმძღვანელობს პრეზიდენტი, ხოლო საქმიანობას წარმართავს აღმასრულებელი საბჭო.
IOC-ის უშუალო მხარდაჭერითა და მეურვეობით ეწყობა სამი მულტისპორტული ღონისძიება: ევროპის ახალგაზრდული ოლიმპიური ფესტივალი, ევროპული თამაშები და ევროპის ჯუჯა სახელმწიფოების თამაშები.
