ლაზერული იარაღი
NPLG Wiki Dictionaries გვერდიდან
ლაზერული იარაღი – მიმართული ენერგიის იარაღის სახეობა, რომელიც მაღალენერგეტიკული ლაზერების მიერ ელექტრომაგნიტურ გამოსხივებას ემყარება. მისი დამაზიანებელი ფაქტორებია მიზანზე (სამხედრო ტექნიკა, ცოცხალი ძალა) თერმომექანიკური და დარტყმით – იმპულსური ზემოქმედება.
ლაზერული იარაღისთვის ყველაზე მისაღებია მკვრივორგანული, ქიმიური და ექსიმერული ლაზერები, ასევე ბირთვული დატუმბვის რენტგენული ლაზერები. ხელსაყრელი ატმოსფერული პირობების შემთხვევაში შესაძლებელია ამ იარაღით 6 კმ-ზე (კოსმოსში – რამდენიმე ათ. კმ-ზე) საჰაერო მიზნის დაზიანება.
XXI საუკუნის დასაწყისის მდგომარეობით ყველაზე სრულყოფილად ითვლება ლაზერული იარაღი ოპტიკურ-ელექტრონული საშუალებების და ადამიანის მხედველობის ორგანოების დასაზიანებლად.
