მიზანი (სამხედრო ტერმინი)
NPLG Wiki Dictionaries გვერდიდან
მიზანი (სამხედრო ტერმინი), მოწინააღმდეგის ობიექტი, რომლის დაზიანებაც არის განსაზღვრული.
მიზანს განასხვავებენ:
- სივრცეში განლაგების მიხედვით - სახმელეთო, მიწისქვეშა, საჰაერო, საზღვაო, წყალზედა და წყალქვეშა.
- შემადგენლობის მიხედვით - ერთეული და ჯგუფური;
- ზომების მიხედვით - წერტილოვანი და გარკვეული ზომების მქონე;
- მოქმედების ხასიათით - აქტიური და პასიური;
- დაცვის ხარისხის მიხედვით - ღია, დაფარული (საინჟინრო ნეგებობებში) და დაჯავშნული;
- უძრავი (სტაციონარული), მოძრავი;
- თვალთვალის პირობების მიხედვით - ხილვადი და უხილავი.
- დასაზიანებელი ობიექტების ტიპის მიხედვით – ბალისტიკური (ფრთოსანი) რაკეტა (მისი ნაწილები), თვითმფრინავი (ვერტმფრენი), ხომალდი (წყალქვეშა ნავი), ცრუ მიზანი, ნაღმი (ამოტივტივებული), ტორპედო, ჯავშანობიექტი და სხვა.
მიზანი შეიძლება დახასიათდეს სხვა ნიშნებითაც.
