მეორე ფრონტი
NPLG Wiki Dictionaries გვერდიდან
მეორე ფრონტი - ფაშისტური გერმანიის წინააღმდეგ დასავლეთ ევროპაში II მსოფლიო ომის დროს. გადაწყვეტილება მეორე ფრონტის გახსნის შესახებ მიღებულ იქნა სსრ კავშირის, აშშ-ისა და დიდი ბრიტანეთის წარმომადგენლების მიერ 1943 წლის თეირანის კონფერენციაზე.
გაიხსნა 1944 წლის 6 ივნისს ნორმანდიაში ინგლის-ამერიკის საექსპედიციო ძალების შეჭრით (იხ. ნორმანდიის სადესანტო ოპერაცია). დასავლელმა მოკავშირეებმა გაარღვიეს ატლანტიკური ზღუდე, გაათავისუფლეს საფრანგეთის, ბელგიისა და ლუქსემბურგის ტერიტორიები და 1945 წლის გაზაფხულზე გავიდნენ მდინარე ელბაზე, სადაც წითელ არმიას შეხვდნენ.
