მობილიზაციის ჩატარება
NPLG Wiki Dictionaries გვერდიდან
მობილიზაციის ჩატარება – ღონისძიებების კომპლექსი მართვის ორგანოების, შენაერთების, ნაწილების (ხომალდების) და დაწესებულებების გადასაყვანად ომიანობის პერიოდის ორგანიზაციასა და შტატებზე; ჯარების (ძალების) სამობილიზაციო გაშლის შემადგენელი ნაწილი.
მობილიზაციის ჩატარების დასაწყისია ბრძანება (სიგნალი) იმის თაობაზე, რომ შენაერთები (ნაწილები, ხომალდები) და დაწესებულებები მოიყვანონ საბრძოლო მზადყოფნის მდგომარეობაში ან მობილიზაციის ჩატარებაზე განკარგულების მიღება; დასასრულია – ამოცანების განსახორციელებლად მათი მზადყოფნაში მოსაყვანად დაგეგმილი ღონისძიებების შესრულება.
ხორციელდება მუდმივი დისლოკაციის პუნქტებში, თავმოყრის, საბრძოლო მორიგეობის რაიონებში, პოზიციებზე, აეროდრომებზე, სასწავლო ცენტრებში და სხვა.