პოლემოლოგია
NPLG Wiki Dictionaries გვერდიდან
პოლემოლოგია - (ბერძნული polemos – ომი და logos – სწავლა, სიტყვა), მეცნიერება ომის შესახებ, რომლის ფარგლებშიც იკვლევენ ომებს, შეიარაღებულ კონფლიქტებს, სამხედრო ძალადობას. ჩამოყალიბდა II მსოფლიო ომის შემდეგ.
ტერმინი „პოლემოლოგია“ შემოიღო ფრანგმა სოციოლოგმა გ. ბუტულმა. ეყრდნობიან რა სხვადსხვა მეცნიერების მეთოდებს და დასკვნებს, პოლემოლოგები სწავლობენ ბიოლოგიურ, ფსიქოლოგიურ, ეკონომიკურ, დემოგრაფიულ, ტექნიკურ, სოციოლოგიურ და სხვა ფაქტორებს, რომლებიც განაპირობებენ შეიარაღებული კონფლიქტების წარმოშობას და ხასიათს. ეძებენ მშვიდობის და საერთაშორისო უსაფრთხოების უზრუნველყოფის ხერხებს და ფორმებს.